Solipsismu

Solipsismu, del llatín "[ego] solus ipse" (traducible de forma averada como "solamente yo esisto"), ye la creencia metafísica de que lo único de lo qu'unu pue tar seguro ye de la esistencia de la so propia mente, y la realidá qu'aparentemente-y arrodia ye incognoscible y puede, per un sitiu, nun ser más que parte de los estaos mentales del propiu yo. D'esta forma, tolos oxetos, persones, etc., qu'unu esperimenta seríen puramente emanaciones de la so mente y, poro, la única cosa de la que podría tener seguridá ye de la esistencia de sigo mesmu. Per otru llau, tou lo qu'un individuu supón que ta al so alredor pue que (pa él) de verdá esista, pero toles persones, sacante él, pueden nun tener una conciencia nin/o alma y tar controlaes por Dios o una deidá.